13 parti politike rrezikojnë gjoba, Celibashi: Ndëshkim për shkeljet financiare

Komisioneri Shtetëror i Zgjedhjeve, Ilirjan Celibashi i ka paraqitur sot një kërkesë zyrtare Komisionit të Ankimimeve dhe Sanksioneve (KAS), për vendosjen e masave administrative ndaj disa partive politike. 

Mësohet se bëhet fjalë për ato subjekte, që morën pjesë në zgjedhjet për Kuvendin më 11 maj 2025. Kërkesa mban datën 3 tetor 2026, ku theksohet se pas kontrollit dhe auditimit të raporteve financiare mbi fondet e përfituara dhe shpenzimet e kryera gjatë fushatës zgjedhore, janë konstatuar shkelje të legjislacionit zgjedhor dhe detyrimeve për transparencë. 

Shkeljet përfshijnë vonesa në dorëzimin e raporteve, mosdorëzim raportesh nga kandidatët e listave shumëemërore, mosdeklarim të transaksioneve bankare, si dhe mospërputhje apo gabime aritmetike e kontabël. 

Masat dhe gjobat e propozuara: 
Gjobë në masën 2,000,000 lekë (për mosedorëzim të raportit financiar): 

Partia Rruga e Vërtetë Shqiptare; 
Partia Aleanca Arbnore Kombëtare. 
Gjobë në masën 500,000 lekë: 

Partia Bashkimi Liberal Demokrat; 
Partia Aleanca Demokracia e Re; 
Partia Aleanca Konservatore për Shqipërinë; 
Partia Kristian Demokrate; 
Partia Lëvizja Atdheu; 
Partia Aleanca Kombëtare Shqiptare; 
Gjobë në masën 100,000 lekë; 

Partia Balli Kombëtar; 
Partia Bashkimi për të Drejtat e Njeriut; 
Partia Djathtas 1912; 
Partia Socialdemokrate; 
Partia Nisma Thurje.