Turqia goditet nga një tornado vdekjeprurëse, 4 vikt'ima dhe dëme të shumta materiale
Lajmifundit
/
27 October 2026, 09:36
Bota
Një tornado e fuqishme ka goditur mbrëmjen e së hënës zonën Kepez të Antalyas, në Turqi, duke shkaktuar vdekjen e katër punëtorëve të ndërtimit dhe plagosjen e një tjetri. Sipas mediave lokale, tornadoja goditi një kantier ndërtimi, ku pesë punëtorë ndodheshin brenda dy kontejnerëve, të cilët u shkatërruan nga forca e erës.
Guvernatori i Antalyas, Hulusi Sahin, konfirmoi bilancin tragjik, duke bërë të ditur se dy prej punëtorëve humbën jetën në vendngjarje, ndërsa dy të tjerë ndërruan jetë në spital si pasojë e plagëve të marra. “Tornadoja e fortë që goditi zonën shkaktoi shembjen e dy kontejnerëve në një kantier ndërtimi.
Pesë persona ndodheshin brenda tyre. Dy punëtorë vdiqën në vend, ndërsa dy të tjerë ndërruan jetë në spital nga plagët e marra. Personi i pestë është plagosur, por gjendja e tij mbetet e qëndrueshme”, deklaroi guvernatori.
🌪️ Tornado strikes Antalya, Turkey: Four dead, tower crane toppled A powerful tornado tore through a construction site in the Fevzi Çakmak neighborhood, ripping apart two residential containers housing construction workers. Five workers were thrown out of the containers. Two died at the scene, while two others later died in hospital. The fifth worker suffered minor injuries. The tornado also toppled a massive tower crane, while nearby buildings were largely unaffected. According to Antalya's governor, the destructive tornado only affected the construction site, with no reports of similar incidents elsewhere in the city. https://t.co/GqyJKB5PYS
— NEXTA (@nexta_tv) October 27, 2026
Forca e tornados përmbysi gjithashtu një vinç në kantierin e ndërtimit, por fatmirësisht nuk u raportuan persona të tjerë të lënduar. Guvernatori e cilësoi fenomenin si tepër të pazakontë, duke theksuar se nuk kishte pasur raportime për stuhi apo tornado në pjesë të tjera të qytetit. “Po përballemi me një fenomen natyror shumë të pazakontë, pasi nuk ka pasur raportime për stuhi apo tornado askund tjetër në qytet”, u shpreh Sahin, duke shtuar se ndërtesat përreth kantierit nuk kanë pësuar dëmtime.
Ai shprehu gjithashtu ngushëllimet për familjet e viktimave dhe i uroi shërim të shpejtë punëtorit të plagosur. Ndërkohë, Drejtoria e Përgjithshme e Meteorologjisë në Turqi kishte lëshuar më herët një paralajmërim të verdhë për reshje të dendura shiu në rajonin e Antalyas.