Të gjithë tentuan të qetësojnë bashkëshorten e Erikson, 'paparacët' fotografuan momentet më prekëse (Foto)

Të gjithë u lutën për Cristian Erikson dje, kur ai në një moment ra pa ndjenja në fushë, gjatë ndeshjes Danimarkë- Finlandë.

Erikson për disa minuta qëndroi pa lëvizur, ku mjekët nxituan që ti vinin në ndihmë.

Ata për disa minuta i bënë masazh kardiak.

Teksa mjekët bënin punën e tyre, lojtarët e skuadrës, mbuluan Erikson nga kamerat, me trupin e tyre.

Ndërkohë, tifozët, si të Danimarkës, ashtu edhe të Finlandës, qanin dhe luteshin për yllin e Interit.

Pjesë e kësaj drame ishte edhe bashkëshortja e tij.

Me lot në sy, ajo kërkonte të shkojë pranë Erikson.

Ka qenë ndërhyrja e mrekullueshme, njerëzore dhe prekëse e lojtarëve të Danimarkës që kanë qetësuar atë.

Kjo ishte provë se ata nuk janë vetëm një skuadër, por një familje. Prova se Futbolli nuk është vetëm një lojë.

Për fat Eriksen pas disa minutash i ka hapur sytë dhe është dërguar në spital.

Gjendja e tij do të monitorohet minutë pas minute, pasi ende nuk dihet nëse ka dalë nga rreziku për jetën.