Super Liga Europiane “braktiset” edhe nga Milan, zbulohet arsyeja

Tërhiqet nga Super Liga Europiane edhe klubi italian, Milan, duke u bërë skuadra e 9 që merr këtë vendim. Më herët hoqi dorë edhe Inter, Atletiko Madrid dhe skuadrat angleze.

“Ne e pranuam ftesën për të marrë pjesë në projektin e Superligës Evropiane me qëllim për ta ofruar garën më të mirë të mundshme evropiane për tifozët e futbollit përreth botës dhe në interesin më të madh të klubit dhe të tifozëve tanë.

Megjithatë, zëri dhe shqetësimet e tifozëve në gjithë botën janë shprehur qartazi për Superligën dhe AC Milan duhet të jetë i ndjeshëm ndaj zërit të atyre që e duan këtë sport të mrekullueshëm”, njofton klubi kuqezi.