Pas zhgënjimit në kualifikueset e Botërorit, Kombëtarja rikthehet në fushë! Ja ekipi me të cilin do përballet

Qershori do të jetë muaji kur Kombëtarja shqiptare e futbollit do të rikthehet në fushë, pas zhgënjimit në kualifikueset e Kupës së botës.

Departamenti i Komunikimit në Federatën Shqiptare të Futbollit bën me dije se është arritur marrëveshja për të zhvilluar një ndeshje miqësore me Kombëtaren e Luksemburgut. Ndeshja do të zhvillohet më 6 qershor, në orën 20:00, në stadiumin “Air Albania” të Tiranës.

Ndërkohë, në vijim pritet të konfirmohet edhe një ndeshje tjetër miqësore që do t’u japë mundësinë tifozëve shqiptarë të shohin përsëri në aksion skuadrën e zemrës.