Dorëhiqet kreu i futbollit italian, FIGC hyn në fazë tranzicioni

Futbolli italian është përfshirë nga një zhvillim i papritur, pasi presidenti i FIGC, Gabriele Gravina, ka dhënë dorëheqjen gjatë mbledhjes së Këshillit Federal.

Largimi i tij hap një kapitull të ri për federatën, e cila tashmë hyn në një periudhë tranzicioni drejt drejtimit të ri.

Sipas informacioneve, zgjedhjet për presidentin e ardhshëm janë caktuar për më 22 qershor, ndërsa në ditët në vijim pritet të dalin në skenë kandidatët për këtë post të rëndësishëm.

Deri atëherë, federata do të funksionojë me një drejtim të përkohshëm, në një moment kyç për të ardhmen e futbollit italian.