Nga Tirana te Kombëtarja, Arzen Voci rrëfen rrugëtimin pas suksesit kuqezi

Futbolli nuk është vetëm loja në fushë, por edhe puna e një ekipi të tërë profesionistësh që qëndrojnë pas lojtarëve. Një prej tyre është edhe fizioterapisti i Kombëtares shqiptare, Arzen Voci, i cili prej vitesh kontribuon në rikuperimin dhe formën fizike të futbollistëve kuqezi.

Në një intervistë për FSHF TV, në kuadër të serisë “Karriera përmes futbollit”, Voci tregon rrugëtimin e tij, nga hapat e parë me Tiranën deri te eksperienca me Kombëtaren dhe pjesëmarrja në Euro 2024.

Ai ndalet te sfidat e profesionit dhe rëndësia e mjekësisë sportive në performancën e lojtarëve.

Figura e tij vlerësohet edhe nga emra të njohur të futbollit shqiptar, të cilët theksojnë rolin e tij në sukseset e ekipeve dhe përkushtimin në punën e përditshme.