Amir Rrahmani i dëmtuar rikthehet në Itali, FFK jep lajmin e keq

Kombëtarja e Kosovës nuk do e ketë lojtarin e tyre Amir Rrahmani në tre ndeshjet e ardhmshme, për shkak të dëmitimit që ka marrë. Ka qenë Federata e Kosovës që dha lajmërimin, duke thënë se Rrahmani do lërë Prishtinën sot dhe do të kthehet në Napoli për të vazhduar rikuperimin e dëmtimit. Kujtojmë se ai u kthye në vendlindje për tu stërvitur për ndeshjet me Lituaninë, Suedinë dhe Spanjën.

“Mbrojtësi i Kombëtares së Kosovës, Amir Rrahmani është larguar nga kampi i Dardanëve, në pamundësi për të kontribuuar në tri ndeshjet e këtij muaji për shkak të lëndimit. Përkundër vullnetit dhe dëshirës së madhe që të riaftësohet për lojë, një gjë e tillë ishte e pamundur, prandaj Rrahmani do të kthehet në klubin e tij, Napoli, për të vazhduar me rikuperimin e lëndimit.

Federata e Futbollit e Kosovës uron që Amiri sa më parë të rikthehet në fushën e gjelbër dhe të jetë në dispozicion të Kombëtares në sfidat e ardhshme”, njofton FFK.