Shpërthimi në Durrës, zbulohen emrat e pronarëve të lokalit ku u vendos tritoli

 
 Janë zbuluar emrat e pronarëve të lokalit në Sektor Fllakë të Durrësit, në derën e të cilit shpërtheu një sasi e vogël lënde plasëse rreth orës 05:00 të mëngjesit.

Bëhet fjalë për shtetasit Ramazan Balla dhe Erjon Balla.

Nga shpërthimi janë shkaktuar vetëm dëme materiale. Në vendngjarje kanë mbërritur shërbimet e Policisë dhe grupi hetimor, ndërsa vijojnë hetimet për zbardhjen e rrethanave, si dhe identifikimin dhe kapjen e autorit ose autorëve.

Më herët policia reagoi për rastin. 

Njoftimi:

Durrës/Informacion paraprak

Rreth orës 05:00, në Sektor Fllakë, në derën e lokalit në përdorim të shtetasve R. B. dhe E. B., dyshohet se ka shpërthyer një sasi e vogël lënde plasëse. Si pasojë janë shkaktuar vetëm dëme materiale.

Në vendngjarje shkuan shërbimet e Policisë dhe grupi hetimor, i cili vijon veprimet për zbardhjen e rrethanave, identifikimin dhe kapjen e autorit/autorëve.