Televizioni Rai 3 nuk e lejoi të “demaskojë” politikanët, reperi italian “hakmerret”

Një debat i madh është nisur nga reperi Fedez, i cili akuzon televizionin Rai 3 se tentoi të censurojë një mesazh të tij gjatë një koncerti ku dënonte homofobinë. Reperi rrëfen se televizioni në fjalë i kishte kërkuar që të tregonte mesazhin përpara performancës që do të mbante të shtunën. Ai shtoi se nuk e kishte pranuar këtë kërkesë, duke nisur kritikat ndaj deklaratave homofobe nga anëtarët e partisë së krahut të djathtë të Lega Italia.

Nga ana tjetër, Rai e mohoi këtë akuzë. Direkt pas mohimit, reagon sërish Fedez. Ai publikoi në Tëitter audion e një telefonate me zv.drejtorin e Rai 3. Reperi pretendon se zv.drejtori i Rai i kërkoi atij të hiqte emrat e politikanëve që kishte planifikuar të kritikonte gjatë performancës.