Indi/ Nuk kishte oksigjen në spital, vajza shpëton nënën e infektuar me frymëmarrje artificiale

Një ngjarje e trishë ka ndodhur në Indi, ku një vajzë është detyruar që ti bëjë nënës së saj frymëmarrje artificiale gojë më gojë, pasi ajo po luftonte me vdekjen. Mësohet se nëna e saj e infektuar me Covid-19, kishte probleme të theksuar me frymëmarrjen.

Në pamjet e bëra virale, dy vajzat kujdeseshin për nënën e tyre, ndërkohë që pranë tyre nuk kishte asnjë mjek.

Siç është thënë ditë më parë, situata në Indi është e rënduar. Numri i viktimave dhe i të infektuarve është i lartë, për pasojë ka mungesë të theksuar të shtretërve, mungesë oksigjeni dhe të ilaçeve.