Fjolla Morina feston 42-vjetorin në arrati, merr urimet më të bukura nga vajza dhe bashkëshorti

Sot, këngëtarja Fjolla Morina feston 42-vjetorin e lindjes. Akoma në arrati, Fjolla është surprizuar në mënyrën më të bukur nga vajza dhe bashkëshorti i saj.

Fisnik Sylja nuk ka shkruar shumë fjalë, por me aq tregon dashurinë për të.“Gëzuar ditëlindjen jeta ime”, shkruan ai.

Fjolla ka marrë urim edhe nga vajza e saj, Lediana. Edhe kjo e fundit, përmes një postimi në Instagram, ka shkruar fjalët më të bukura për mamanë e saj. “Mami, nuk mund të tregoj se sa e bekuar ndihem duke të pasur ty në jetën time. Ti ke qenë atje për mua në çdo ulje dhe ngritje rimen. Më ke frymëzuar dhe motivuar që të jem përfaqësimi më i mirë i familjes sonë. Gëzuar ditëlindjen shembulli im! Tdon Maca jote mami”, ka shkruar ajo.

Fjolla Morina u martua pak javë me parë me biznesmenin kosovar, ndërkohë që u dënua në Shqipëri, në mungesë, për trafik armësh.