Çfarë ka ndodhur me aktorin e famshëm turk? FOTOT e fundit të tij shokojnë fansat

Aktori i famshëm turk, Çagatay Ulusoy dhe Aslıhan Malbora po shijojnë disa ditë pushimi në Bodrum, larg angazhimeve profesionale dhe vëmendjes së publikut. Çifti, i cili prej rreth dy vitesh e ka mbajtur marrëdhënien larg kamerave, është fotografuar në një jaht pranë gjirit Yalıçiftlik.

Në pamjet e publikuara nga mediat turke, dy aktorët shfaqen të relaksuar, teksa marrin rreze dielli, notojnë dhe argëtohen me miqtë e tyre. Ulusoy është parë edhe duke peshkuar, ndërsa më pas i është bashkuar partneres së tij në kuvertën e jahtit.

Gjatë pushimeve, çifti provoi edhe një mjet argëtues ujor të njohur si “ringo”, ndërsa në mbrëmje raportohet se kanë darkuar vetëm, duke kaluar disa momente romantike larg zhurmës së qytetit.

Megjithatë, më shumë se dalja e rrallë publike me Aslıhan Malbora, vëmendjen e rrjeteve sociale e ka tërhequr pamja e re e Çagatay Ulusoy. Aktori është shfaqur me mjekër të gjatë, tipare më të plota në fytyrë dhe një fizik më të rëndë krahasuar me imazhin e tij të dikurshëm.

Diskutimet u shtuan pasi ai realizoi një fotografi me një fanse në Turkbuku. Imazhi u shpërnda me shpejtësi në rrjetet sociale, ku ndjekësit nisën të krahasonin pamjen e tij aktuale me fotografitë e viteve të mëparshme, kur aktori njihej për fizikun e tij të tonifikuar dhe muskuloz.