Ishte duke peshkuar në lum, 31-vjeçari bie në kontakt me rrymën elektrike dhe humb jetën (EMRI)

Një ngjarje e rëndë ka ndodhur mesditën e sotme në ujërat e lumit Drini i Zi, ku një 29-vjeçar ka humbur jetën teksa po peshkonte.

Viktima është identifikuar si Ervis Kaloshi, banues në fshatin Sinë e Poshtme.

Sipas të dhënave paraprake, ngjarja ka ndodhur rreth orës 14:00, ndërsa i riu ka qenë i shoqëruar nga persona të tjerë.

Pas ngjarjes, trupi i 31-vjeçarit është transportuar në morg, ndërsa pritet që autoritetet të zbardhin rrethanat e plota të këtij incidenti tragjik.

Hetimet për zbardhjen e shkaqeve të ngjarjes vijojnë.

Dibër/Informacion paraprak

Në fshatin Sinë, Njësia Administrative Arras, Bashkia Dibër, shtetasi E. K., 31 vjeç, dyshohet se duke peshkuar në lumin Drini i Zi, ka rënë në kontakt me rrymën elektrike dhe për pasojë, ka humbur jetën.

Trupi i pajetë i 31-vjeçarit, po transportohet për kryerjen e ekspertizës mjeko-ligjore.

Grupi hetimor ndodhet në vendngjarje dhe vijon punën për dokumentimin dhe sqarimin e plotë të rrethanave të ngjarjes.