Dua Lipa vjen me REKORD të ri, për çfarë bëhet fjalë këtë radhë?

Këngëtarja shqiptare me famë botërore, Dua Lipa, ka arritur një tjetër rekord të rëndësishëm në platformat e transmetimit muzikor, pasi albumi i saj debutues, “Dua Lipa”, ka tejkaluar 15 miliardë dëgjime në Spotify. Me këtë arritje, ajo bëhet artistja e parë femër në histori që ka dy albume mbi këtë prag, pas suksesit të jashtëzakonshëm të “Future Nostalgia”.

Ky rekord e vendos Dua Lipën përpara artistëve të tjerë si Olivia Rodrigo dhe SZA, duke e bërë të vetmen artiste me më shumë se një album që arrin mbi 15 miliardë dëgjime. Albumi “Future Nostalgia”, i publikuar më 27 mars 2020, ishte projekti i parë që e çoi këngëtaren në këtë grup ekskluziv artistësh globalë.

Albumi debutues “Dua Lipa”, i publikuar më 2 qershor 2017, shënoi hyrjen e saj vendimtare në skenën e pop-it, me këngë si “Be the One”, “IDGAF” dhe “New Rules”, e fundit që u bë numër 1 në Mbretërinë e Bashkuar dhe top-10 në Billboard Hot 100 në SHBA. Ribotimi “Complete Edition” përfshiu hitet “One Kiss” me Calvin Harris dhe “Electricity” me Silk City, duke i zgjatur jetëgjatësinë dhe suksesin komercial albumit.

Albumi e vendosi Dua Lipën si një nga zërat më premtues të pop-it, duke marrë nominime për British Album of the Year dhe duke kontribuar në fitimin e çmimit Grammy për Artistja më e mirë e re.