Votat preferenciale, si renditet kreu i opozitës dhe kryeministri Rama

Ndryshe nga zgjedhjet e mëparshme, këtë vit ndryshimi i sistemi zgjedhor me lista gjysmë të hapura ka sjellë edhe risi.Drejtuesit e partive politike kishin të drejtë të kandidonin në më shumë se një qark.

Për këtë arsye, kryeministri Edi Rama zgjodhi të kandidonte në Durrës dhe në Vlorë, ndërsa kreu i opozitës, Lulzim Basha zgjodhi të kandidonte vetëm në Qarkun e Tiranës.

Kreu i opozitës ka marrë më shumë vota preferenciale në kryeqytet. Ai ka marrë deri më tani 14,161 kur janë numëruar 1067 nga 1243 kuti.

Ndërkohë, kryeministri Rama ka marrë 11 mijë e 969 vota në Durrës dhe 11 mijë e 412 vota në Vlorë ku procesi i numërimit është në kutinë e fundit. Në top 10-shen e kandidatëve, Basha renditet i 4-ti si më i votuari kurse Rama i 8-ti.