U rizgjodh në krye të PD, reagon Basha i emocionuar: Faleminderit për mbështetjen!

Politikë

U rizgjodh në krye të PD, reagon Basha i emocionuar: Faleminderit

Kryetari i rizgjedhur i PD, Lulzim Basha ka reaguar pas fitorën së thellë në garën për kreun e partisë më të madhe opozitare.

Basha falenderon demokratët për mbështetjen që i dhanë në rrugën drejt ndryshimit.

"Faleminderit për mbështetjen e jashtëzakonshme! Ajo është një shprehje e qartë e besimit në rrugën tonë drejt ndryshimit. Sëbashku do bëjmë gjithçka që Shqipëria të fitojë"-shprehet Basha.

Basha arriti të merrte mbështetjen e demokratëve, duke siguruar një rezultat të thellë përkundrejt rivalëve të tij në garë, Agron Shehaj, Fatbardh Kadilit dhe Edith Harxhit.

Në garën për kreun e ri të partisë, Basha mori mbi 32 mijë e 882 vota, thënë ndryshe ai u votëbesua nga 81% e anëtarësisë.

Rezultatet rendisin të dytin në zgjedhjet e së dielës deputetin e sapozgjedhur në qarkun e Tiranës, Agron Shehaj me 6038 vota. Pas tij, me 983 vota u rendit e vetmja kandidate grua në garën për kreun e ri të Partisë Demokratike, Edit Harxhi.

Ndërsa rivali tjetër i Lulzim Bashës në zgjedhje, anëtari i kryesisë Fatbardh Kadilli arriti të marrë 781 vota.Të dielën në kutitë e votimit u drejtuan i 41 mijë E 97 anëtarë të Partisë Demokratike, ose thënë ndryshe rreth 54.7% e tyre morën pjesë në zgjedhje për kreun e ri të kësaj force politike.

Pas mbylljes së numërimit, i vetmi kandidat në garë që pranoi rezultatin, pavarësisht se e cilësoi të pabarabartë që në nisje këtë proces ishte Fatbardh Kadilli.

 

ME TE LEXUARAT