U mbajt peng nga grupi i armatosur i PD, flet Greca: Targat makinës ia hoqa te koaludimi, vërtetohet kollaj

Mehmet Greca, personi që u mbajt rreth 20 minuta peng nga grupi per mbrojtjen e votes se Partisë Demokratike, ditën e ngjarjes ne Elbasan, tregon ne një interviste per Top Channel se si rrodhi gjithë dinamika.

Ai thotë se Arber Paplekaj i nxori pistoletën, ndërsa te tjerët e kontrolluan me dhune. Greca thotë se ne makine kishte vetëm postera elektorale Për më tepër ndiqni kronikën e përgatitur nga gazetari Andi Bora.

Mehmet Greca: S’e kam parë fare Kelin. Tashi ne me Kelmend Xhaferrin jemi rrit sepse jemi komshinj këtu. E dhashë dëshminë, por të doni mund ta merrni në polici. Në makinë kishim vetëm postera, ja kështu si ky. Targat i hoqa vetëm 20 minuta para. I kam hequr tek koaludimi dhe kjo gjë vërtetohet shumë thjesht.