Rezultatet e kandidatëve/ Edi Rama udhëheq PS në Vlorë, kush është demokrati më i votuar

Po vijon numërimi i votave të marra nga kandidatët për deputetë në disa qarqe të vendit, ku në Vlorë procesi është drejt përfundimit.

Në kampin socialist kryeson bindshëm garën e më të votuarve kryeministri Edi Rama me 8857 vota të marra. Kryesocialisti ndiqet nga nr.7 në listë Damian Gjiknuri me 5331 vota, ndërsa i treti qëndron Vullnet Sinaj me 5265 vota.

Në kampin demokrat dhe aleatëve kryeson listën Bujar Leskaj me 4552 vota. Ky i fundit ndiqet nga Fation Veizaj me 3316 vota, ndërsa i treti sa i takon votave është Gëzim Ademaj me 2984 vota. E katërta në radhë është Ina Zhupa me 1917 vota.

Mes kandidatëve të LSI kryesuesi i listës Luan Rama nuk rezulton më i votuari në këtë qark. Në LSI lista prihet nga Dikens Bushaj me 747 vota, që ndiqet nga Grisejda Myslimi i vendit të dytë me 722 vota ose 25 vota më pak se Bushaj.

Ndërsa në vendin e tretë renditet Luan Rama  i cili ka grumbulluar 516 vota, kurse i katërt më i votuar Dhimitraq Lapa me 446 vota.