Rama prezanton programin “Dyfisho Ndërmarrjen Tënde” për të mbështetur bizneset e vogla dhe të mesme

Kryeministri Edi Rama njoftoi në podcastin e tij “Flasim” një iniciativë të re qeveritare për të ndihmuar ndërmarrjet e vogla dhe të mesme.

Programi quhet “Dyfisho Ndërmarrjen Tënde” dhe synon të ofrojë mundësi financimi dhe garanci për bizneset që duan të rriten dhe të zhvillojnë aktivitetin e tyre.

Rama sqaroi se programi është rezultat i bashkëpunimit mes qeverisë, Bankës së Shqipërisë dhe bankave të nivelit të dytë, duke synuar të mbështesë sipërmarrësit që kanë ide dhe ambicie, por nuk kanë kapital të mjaftueshëm ose akses në financë.

Takimet e fundit kanë finalizuar detajet e programit, dhe shpallja zyrtare pritet në fillim të majit, me firmosjen e marrëveshjeve për të vënë në dispozicion linjën e financimit dhe instrumentet e garancive.

Ky hap ka për qëllim të nxisë zhvillimin e ekonomisë shqiptare dhe të rrisë aktivitetin e ndërmarrjeve në vend.