Emri/ I kërkuari ndërkombëtar nga Saranda kapet në Spanjë, i dënuar për rrëmbim dhe trafik droge

Adrian Ogiçi, 40 vjeç nga Saranda, u arrestua në Spanjë pas një kërkimi ndërkombëtar. Ai ishte dënuar me 20 vite burg për “rrëmbim personi” dhe “trafikim të lëndëve narkotike” në bashkëpunim me të tjerë.

Policia shqiptare njofton se arrestimi u realizua falë bashkëpunimit me autoritetet ndërkombëtare dhe shkëmbimit të informacionit mbi vendndodhjen e tij.

Ky rast është pjesë e përpjekjeve për të ndaluar dhe ekstraduar shtetasit në kërkim, duke garantuar drejtësinë edhe jashtë vendit.