Partia Socialiste kryeson në Berat, Maliqi: Nuk i pranoj këto zgjedhje, kurrë dhe pikë

Ka ardhur një reagim nga kandidati i LSI në Berat, Lefter Maliqi, i cili nuk e pranon rezultatin që deri tani është dhënë nga KQZ, si në Berat, ashtu edhe në të gjithë vendin.

“Të dashur bashkëqytetarët e mi në qarkun e Beratit. Unë, në respekt të vullnetit tuaj, nuk i pranoj këto zgjedhje, kurrë dhe pikë. Votat e mia janë grabitur, janë blerë, janë manipuluar, nga krimi dhe mafia, për mua jo vetëm në qarkun Berat por në gjithë vendin, diçka e tmerrshme fshihet. Rezultati i deritanishëm është skandaloz dhe i pavërtetë.

 Mbetem më i fortë se kurrë, besoj që e vërteta do të zbardhet, dhe ndëshkimi do të jetë i rëndë. Vazhdoj me kokën lart dhe me besim në Zot, drejt sfidave reale me fitore kundër krimit, drogës dhe mafies”, shkruan Maliqi.