Mungesa e komisionerëve në Elbasan, LSI: Janë në qendrat e votimit, presin KZAZ ti emërojë

LSI  ka reaguar pas lajmit se komisionerët e kësaj partie nuk janë paraqitur në qendrat e votimit në Elbasan. Partia u shpreh se në 13 qendrat e votimit në 4 KZAZ-të e Elbasanit, komisonerët e tyre janë paraqitur, por po presin t’iu çojë KZAZ emërimin.

“Duke marrë shkas nga disa lajme për komisionerët e LSI në Elbasan, sqarojmë se janë në total 13 qendra votimi në të 4 KZAZ-të e Elbasanit. Komisionerët e LSI janë në qendrat votimit por po presin t’iu çojë KZAZ emërimin sepse ende nuk iu kanë dërguar vendimin siç kanë bërë për PS dhe PD”, thuhet në njoftim.