Braçe akuzon PD-në: Kanë terrorizuar kryetaren e PS në fshatin Shën e Premte

Mëngjesin e sotëm, zëvëndës kryeministri i vendit, Erion Braçe ka akuzuar Partinë Demokratike se ka terrorizuar kryetaren e PS në fshatin Shën e Premte. Ndërkohë, ai në fjalën e tij për mediat u bëri thirrje qytetarëve që të votojnë, e të mos i japin mundësi kriminelëve të kthehen në Parlament.

 “Një tufë kriminelesh si Enkeleid Alibeaj dhe Saimir Koreshit kanë terrorizuar të gjithë zonën, kanë terrorizuar familjen e një gruaje që është kryetare e fshatit Shen e Premte. Do të shkoj atje, do të bëj kallëzim penal. E kanë kërcënuar se është drejtuese e PS aty. Shqiptarët të votojnë, mos t’i japin mundësi kriminelëve të kthehen në Parlament”, u shpreh Braçe.