"Kam gati dekretin", Meta apel drejtësisë: Mos detyroni popullin t`ju arrestojë

Presidenti Ilir Meta ka publikuar nje tjeter deklarate lidhur me zgjedhjet. Ai u ka bere thirrje te gjitheve qe te respektojne voten e lire dhe ne vecanti u ka adresuar nje mesazh edhe njerezve te sistemit te drejtesise.

Mesazhi i Metës: Kriminelët janë kudo të rrezikshëm.

Por më të rrezikshmit janë kriminelët e veshur me uniformë, janë ata që gjenden brenda sistemit gjyqësor dhe të prokurorisë.

Prandaj thirrini mendjes, zbatoni ligjin, qëndroni larg ndikimeve politike, mos u bëni palë dhe ruani integritetin e detyrës.

Përmbushni detyrën pa asnjë vonesë dhe mos e detyroni Popullin t'ju arrestojë në flagrancë përmes ligjit, që Kuvendi i Shqipërisë ka miratuar.
Presidenti i Republikës është gjithmonë me Kushtetutën dhe Sovranin.

Presidenti i Republikës është gjithmonë gati për të marrë përgjegjësinë për çdo Dekret në mbrojtje të Zgjedhjeve, Demokracisë dhe Popullit nga dhuna e oligarkisë!
Nesër duhet të jetë Festa e Demokracisë.