Plagosja në zyrën e PD në Kavajë, gjykata lë në burg autorin Ndricim Jonuzi

Në Gjykatën e rrethit gjyqësor Kavajë eshte mbajtur diten e sotme seanca për vleftësimin dhe caktimin e masës së sigurisë ndaj 3 të arrestuarve për plagosjen në këmbë të Okshtunit.

Gjykata ka vendosur arrest me burg për Ndriçim Jonuzin i njohur edhe me mbiemrin Tahiri.

Ai akuzohet për plagosjen me armë zjarri të sekretarit të PD-së, në zyrën e kësaj force politike në Kavajë, Bledar Okshtuni.

Për dy të arrestuarit e tjerë të ngjarjes, Markel Shtylla dhe Dorjan Troplini, përkatësisht kryeinspektori dhe inspektori i policisë bashkiake, por të liruar nga detyra, gjykata vendosi masën e sigurisë arrest shtëpie.