I shoqëruar nga bashkëshortja dhe fëmijën në krah, voton kandidati i pavarur për bashkinë Tepelenë: Qytetarët të bëjnë zgjedhjen e duhur

Kandidati i pavarur për bashkinë Tepelenë, Gabriel Guma i është drejtuar qendrës së votimit në fshatin e tij të lindjes në Luzat.  Siç shihet edhe në pamje, Guma është i shoqëruar nga bashkëshortja e tij dhe fëmijën në krah.

Në një deklaratë për gazetarët, Guma u bëri thirrje të gjithë qytetarëve të Tepelenës që të dalin të votojnë dhe të bëjnë zgjedhjen e duhur.

“I bëj thirrje të gjithë tepelenasve që të dalin të votojnë masivisht, të bëjnë zgjedhjen e duhur”, tha Guma.

Gabriel Guma është kandidat i pavarur, por që mbështetet nga Partia Demokratike. Përballë tij është Gramoz Sako nga Partia Socialiste.

Në garën për kryebashkiak të Tepelenës janë Gramoz Sako, kandidat i Partisë Socialiste, dhe Gabriel Guma, i pavarur i mbështetur nga Partia Demokratike. Tepelena shkoi në zgjedhje, pasi kryebashkiaku Tërmet Peçi u zgjodh deputet. Në Tepelenë, PS ka propozuar kandidatin Gramoz Sako, ndërsa opozita do të mbështesë të pavarurin Gabriel Guma.