“Gënjeshtrën e ka karakteriale”/ Bardhi i përgjigjet Manjës: Doni të amnistoni të korruptuarit!
Gazment Bardhi, Kreu i Grupit Parlamentar në një intervistë mbremjen e sotme ka folur për amnistinë penale dhe i ka kthyer përgjigje dhe Ministrit të Drejtësisë Ulsi Manja që sipas tij ka gënjyer.
I ftuar në studion e emisionit “Të Paekspozuarit” në MCN TV për të folur për projektligjin e Amnistisë Penale që nuk u fut në rendin e ditës sot në Kuvend sepse nuk kishte 84 votat dhe për protestën e opozitës së bashkuar më 20 shkurt.
Bardhi: Duke iu përgjigjur Ministrit të Drejtësisë Ulsi Manja që sot e akuzoi gënjeshtar kur deklaroi se amnistia synon të amnistojë zyrtarët e korruptuar, Bardhi tha se grupi parlamentar i PS-së ka hequr dy ndalesat e ligjit për zyrtarët e dënuar nga hetimet e SPAK-ut.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Manja e ka nga eksperienca, që po gënjeve një herë dy herë dhe tre herë, kthehet në karakteriale. Me sa duket ministri Manja e ka karakteriale.
E kuptoj sikletin ku ndodhet. Ka marrë përsipër një propozim të Ramës dhe përfiton nga fakti që njerëzit nuk i hyjnë në detaje ligjit të amnistisë.
Drafti ka patur atë që ka qenë gjithmonë në amnistitë penale, që zyrtarët dhe subjektet pjesë e hetimeve dhe gjykimeve nga SPAK dhe GJKO, nuk përfitojnë amnisti.
U keqpërdor një amendament i një kolegu ynë, për 24 orë ngatërruan dynjajë duke e shitur si amendament të opozitës. Kur gënjeshtra i doli sheshit, tani na akuzkojnë se gënjyem ne.
Dy ndalesat e draftit fillestar janë hequr. Nuk ka asnjë arsye të gënjejmë për këtë.
Kemi thënë se në parim e mbështesim amnistinë, nëse Kuvendi do të funksiononte në një normalitet, do ta votonim.
Sot kam dëgjuar një shpjegim të zotit Basha pse nuk do ta votojë amnistinë dhe qëndrimi i tij mu duk korrekt. Edhe zoti Basha ka mbajtur qëndrimin që nuk duhen aministuar zyrtarët e korruptuar”-tha Bardhi.