“Dilni masivisht të dielën”, Basha nga Devolli: Votoni 9 për të ardhmen e fëmijëve tuaj, për ndryshimin!

Kreu i PD-së Lulzim Basha është ndalur sot në Bilisht, pas vizitës në Korçë, ku po bën dhe takimin përmbyllës, kur na ndajnë edhe 4 ditë nga zgjedhjet.

Basha tha se plani ekonomik i PD-së do të mundësojë që zona e Bilishtit dhe Devollit të ketë mundësi që të shesë prodhimet, dhe të mbajë të rinjtë në vend, pa qenë e nevojshme që të emigrojnë për një jetë më të mirë.

“Zonja dhe zotërinj ju e dini, tani është në dorën tuaj, vetëm në dorën tuaj, dhe unë e di që ju vendimin e keni marrë, se Devolli të dielën do të dalë masivisht në kutinë e votimit dhe voton numrin 9 për të ardhmen e fëmijëve tuaj, 9 për fitoren, 9 për ndryshimin. Fitore !”, përmbylli fjalimin e tij Basha, i shoqëruar nga qindra mbështetës.