Ambasadori britanik në Vlorë: T’u japim mundësi numëruesve të bëjnë punën e tyre

Ambasadori i Britanisë së Madhe në Shqipëri, Duncan Norman ka udhëtuar drejt Vlorës, për të parë nga afër procesin e numërit të votave. Për mediat, Norman ka shprejur se procesi është duke vijuar dhe nuk ka preferuar të japë një vlerësim. Gjithashtu, ambasadori britanik ka thënë se për momentin e rëndësishme t’i jepet mundësi numëruesve që të bëjnë punën e tyre.

“Procesi vijon dhe s’mund të jap vlerësim tani. T’u japim mundësi numëruesve të bëjnë punën e tyre”, u shpreh Norman.

Kujtojmë se ambasadori britanik ka qenë në terren edhe ditën e djeshme, ku ka ndjekur nga afër procesin e votimit në disa qytete në vend, mes të cilëve edhe në Elbasan