Nuk u ngrit në këmbë për t’i dhënë dorën Brigitte Macron, aktorja Zendaya “kryqëzohet” nga fansat (FOTO)

Bota

Nuk u ngrit në këmbë për t’i dhënë

Aktorja Zendaya është përfshirë në një debat në rrjetet sociale pasi nuk u ngrit në këmbë për të përshëndetur Brigitte Macron gjatë një shfaqjeje mode të Louis Vuitton në Paris.

Të dyja morën pjesë në eventin e zhvilluar në Luvër gjatë Javës së Modës në Paris. Zendaya ndodhej në rreshtin e parë kur bashkëshortja e presidentit francez Emmanuel Macron iu afrua për t’u prezantuar. Fillimisht aktorja nuk e kishte vënë re praninë e saj, por më pas i zgjati dorën nga vendi dhe i tha: “Përshëndetje, kënaqësi që ju njoh”.

Momenti u filmua dhe u publikua në rrjetet sociale, duke shkaktuar reagime të shumta. Disa përdorues kritikuan Zendayan, duke argumentuar se ajo duhej të ishte ngritur në këmbë për të përshëndetur Brigitte Macron dhe e cilësuan sjelljen e saj si të pasjellshme.

Megjithatë, pati edhe shumë komentues që e mbështetën aktoren, duke thënë se nuk kishte asgjë të gabuar në mënyrën se si e përshëndeti Macron. Disa madje e cilësuan Zendayan si “divë” dhe argumentuan se ajo nuk kishte pse të ngrihej nga vendi.

Një pjesë e përdoruesve sugjeruan gjithashtu se Zendaya mund të mos e kishte kuptuar menjëherë se kush ishte gruaja që iu afrua. Debati vijon në rrjetet sociale, me komentet e publikut të ndara mes atyre që e konsiderojnë gjestin e saj si mungesë etike dhe atyre që e shohin si një reagim krejt normal.

Screenshot_10.png

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion