Nga Shqipëria në oborret mbretërore, historia e bujshme e pilotit shqiptar që u nderua nga britanikët

Personi që shihni në fotografi nuk është një sheik arab, por kolonel Shemsi Tahiri, i lindur në vitin 1913 në Turan të Tepelenës.
Shemsi Tahiri ishte piloti i parë i Mbretit Lorenc të Arabisë dhe një personalitet i veçantë, i cili shërbeu si pilot i tre mbretërive në tre kontinente.
I lindur në vitin 1913 në Tepelenë, mësimet e para i mori pranë Teqesë së Turanit, duke marrë bekimin e Hirësisë së Tij, Baba Ahmet Turani. Ai u diplomua shkëlqyeshëm në Liceun e Gjirokastrës dhe arriti të fitonte të drejtën për të studiuar në Akademinë e Forcave Ajrore të Italisë.
Pas përfundimit të studimeve, meqë në Shqipëri nuk kishte aviacion ushtarak, ai emigroi në Angli, ku fluturoi për shumë vite derisa mori titullin "Pilot i Klasit të Parë".
Gjatë Luftës së Dytë Botërore ai ishte një nga pilotët më të mirë të Forcave Ajrore Britanike, ku mori medalje të ndryshme dhe u nderua edhe me dekoratën "Kryqi i Artë", një nga vlerësimet më të larta në Britaninë e Madhe.
Pas përfundimit të luftës, ai u kërkua nga mbreti i Arabisë Saudite si pilot i avionit të tij personal.
Vitet e fundit të jetës i kaloi në Stamboll të Turqisë, pranë bashkëshortes së tij, Gylfidan Hanëmes, me origjinë nga Gjakova e Kosovës, dhe vajzës së tyre, në lagjen Fındıkzade, pranë Aksarait.
Shemsi Tahiri ndërroi jetë në vitin 1967 dhe u varros në varrezat e Stambollit. Megjithatë, në pllakën e varrit të tij është shënuar gabimisht data e lindjes, pasi ai kishte lindur në vitin 1913.


