Dhun'ohet polici 19 vjeç në Krujë, u godit me sende të forta nga vëllezërit e vajzës që fliste në rrjete sociale

Aktualitet

Dhun'ohet polici 19 vjeç në Krujë, u godit me sende

Një punonjës policie është dhunuar mbrëmjen e së martës për motive banale. Ai ishte jashtë shërbimit në momentin kur ndodhi ngjarja. 
Punonjësi i Patrullës, 19 vjeç, është goditur me sende të forta dhe shkop bejsbolli. Autorë të dyshuar të ngjarjes janë vëllezërit e një vajze me të cilën punonjësi i policisë kishte komunikuar në rrjetin social Instagram.
 
Sipas hetimeve paraprake, familjarët e vajzës kishin mësuar për komunikimin dhe dyshohet se vëllai i saj nuk e ka pranuar këtë fakt. Sipas raportimeve, vajza me të cilën komunikonte efektivi është nën moshën 18 vjeç.

Pas kallëzimit të punonjësit të policisë, hetuesit kanë nisur verifikimet për identifikimin dhe kapjen e autorëve. Këqyrja e kamerave të sigurisë ka ndihmuar në zbulimin e automjetit me të cilin dyshohet se janë larguar personat e përfshirë në ngjarje.

Vëllezërit e vajzës janë shpallur në kërkim, ndërsa hetimet vijojnë për zbardhjen e plotë të rrethanave dhe dokumentimin e përgjegjësisë së personave të dyshuar.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion