Protesta në veri, kërkohet “liri për të gjithë serbët e arrestuar”

Qytetarë serbë u mblodhën në Mitrovicë të Veriut dhe në Graçanicë për të shënuar festën e Vidovdanit.

Ata pritet të miratojnë edhe një dokument, apo, siç thuhet, “Deklaratën e Vidovdanit”. Tani për tani nuk dihet saktësisht se çfarë do të përmbajë ajo.

Deklarata vjen në kohën e rritjes së tensioneve në veri të Kosovës, ku popullata shumicë është serbe. Prej një muaji gati, serbët atje protestojnë kundër kryetarëve shqiptarë të komunave dhe kërkojnë tërheqjen e njësisë speciale të Policisë së Kosovës.

- Advertisement -
Serbët i bojkotuan zgjedhjet e prillit, prej të cilave dolën kryetarët shqiptarë.

Komuniteti ndërkombëtar, si hap për shtensionimin e situatës, kërkon nga Prishtina që të organizojë zgjedhje të reja, në të cilat do të merrnin pjesë edhe serbët.