Kurti viziton tre policët e liruar, efektivëve në Veri u ofron bakllava

Kryeministri i Kosovës, Albin Kurti ka vizituar këtë pasdite tre policët e liruar pas rrëmbimit nga forcat speciale serbe.

Kurti ka shkuar të vizitë Beqir Sefën, Rifat Zekën dhe Shemë Mustafën, që ishin rrëmbyer më 14 qershor nga forcat e armatosura serbe dhe u mbajtën rob padrejtësisht për 13 ditë.

Kreu i qeverisë kosovare shtoi se i ka falenderuar tre policët dhe familjet e tyre për qëndresën, besimin dhe mbështetjen e dhënë ndaj institucioneve të Kosovës.

“Për Bajram te Beqir Sefa, Rifat Zeka e Shemë Mustafa, tre oficerët tanë të Policisë, që ishin rrëmbyer me 14 qershor nga forcat e armatosura serbe, e u mbajtën rob padrejtësisht për 13 ditë nga Serbia.

Mikpritje fort e ngrohtë, sepse festa ishte e dyfishtë në Peran, Letanc dhe Mitrovicë. I falënderova të tre policët tanë dhe familjet e tyre për qëndresën, besim e treguar dhe mbështetjen e dhënë ndaj institucioneve të Republikës”, shkroi Kurti në Facebook.