HEC-et në Mirditë / Gjykata e Lezhës rrëzon mbylljen e çështjes, hetimet vazhdojnë pas padive të banorëve

Gjykata e Lezhës ka rrëzuar kërkesën e Prokurorisë për pushimin e çështjes për 4 hidrocentralet në Kaçinar të Mirditës.

Vendimi vjen pas një tjetër përpjekjeje për pushimin e çështjes në vitin 2020 dhe një procesi të gjatë përplasjesh mes institucioneve. 

Padinë e kanë bërë banorët e Kaçinarit të cilët pretendojnë se hidrocentralet dëmtojnë pronat e tyre dhe burimet ujore.

Tashmë Prokuroria pritet të hetojë institucionet shtetërore që kanë dhënë lejet kompanisë “Shpërdhaza-Energji”, me administrator Fatjon Hoxhën.