Bashkimi Europian i vjen në ndihmë Kosovës, dërgon 5 mijë vaksina për të luftuar Covid-19

Bashkimi Europian do dërgojë më 5 maj të Kosovë 5 mijë vaksina për të luftuar Covid-19. Lajmi u bë me dije nga Komisionieri Evropian për Fqinjësi dhe Zgjerim, Oliver Varhelyi. Ai ka njoftuar se do të qëndrojë në Kosovë më 5 maj, të mërkurën, në kuadër të vizitës së tij në Ballkanin Perëndimor, në një kohë kur rajonit do t’i dhurohen vaksinat kundër coronavirusit, si pjesë e ndihmës nga Bashkimi Evropian.

Ndërkohë, aktualisht në Kosovë, brenda 24 orëve të fundit, janë shëruar 421 pacientë, kurse numri i rasteve aktive është 7.983. Instituti Kombëtar i Shëndetit raportoi se janë në total 105.636 raste pozitive, nga 541.762 persona të dyshimtë në virusin SARS-CoV-2 dhe 2.187 raste të vdekjes.