Shkelën rregullat e qarkullimit, policia rrugore prangos 5 persona

Policia e Tiranës njoftoi mëngjesin e sotëm se janë arrestuar 5 persona, të akuzuar për shkelje të rregullave të qarkullimit rrugor. Shtetasit akuzohen për vepra të ndryshme.

“Specialistët e Qarkullimit Rrugor bënë arrestimin në flagrancë të shtetasve: Th. A., 33 vjeç dhe I. Gj., 37 vjeç, pasi u kapën në flagrancë duke drejtuar mjetet përkatëse në gjendje të dehur; R. J., 19 vjeç dhe A. Xh., 20 vjeç, pasi u kapën duke drejtuar mjetet pa lejen përkatëse;

D. G., 50 vjeç, pasi duke drejtuar mjetin në gjendje të dehur, nuk i është bindur urdhërit të punonjësit të policisë për të ndaluar. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, njofton policia