I kërkuar nga Italia për 5 vite burg, arrestohet 45-vjeçari në Shkodër (EMRI)

Aktualitet

I kërkuar nga Italia për 5 vite burg, arrestohet 45-vjeçari

Një 45-vjeçar është arrestuar në Shkodër, pasi kërkohej nga autoritetet italiane për të vuajtur pjesën e mbetur të dënimit me burg.

Në kuadër të një operacioni të zhvilluar nga strukturat e specializuara të Policisë së Shtetit, në bashkëpunim me Interpolin dhe autoritetet italiane, është vënë në pranga Aldo Doçaj.

45 vjecari u lokalizua dhe u ndalua nga efektivët e Drejtorisë Operacionale të Posaçme në lagjen “Skënderbeg” të qytetit të Shkodrës.

Sipas të dhënave, Doçaj rezulton i dënuar nga drejtësia italiane dhe ka ende për të vuajtur 5 vite burg.

Për këtë arsye, ndaj tij ishte lëshuar kërkesë për kapjen dhe ekstradimin drejt Italisë.

Pas arrestimit, 45-vjeçari do t’i nënshtrohet procedurave ligjore përkatëse, ndërsa pritet që autoritetet shqiptare të vijojnë me procesin e ekstradimit drejt shtetit italian.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion