"Hezitojnë të dërgojnë mesazhin e parë...", Shenjat kokëforte të horoskopit

Telefoni dridhet, njoftimi i WhatsApp-it shfaqet, e megjithatë biseda mbetet pezull për minuta, ndonjëherë orë të tëra. Astrologjia e përshkruan këtë hezitim në mënyra të ndryshme. Çdo shenjë e sheh atë kontakt fillestar si një rrezik të vogël emocional.

Shenjat që dërgojnë mesazhe në mënyrë impulsive
 Për Dashin, mesazhi i parë është një akt besimi: nëse mendojnë për dikë, ata veprojnë. Mund të dërgojnë një “Do të takohemi?” në orën 23:30 pa u shqetësuar nëse është momenti i duhur, sepse spontaniteti mbizotëron mbi gjithçka. Frika nga refuzimi ekziston, por është kalimtare; nëse përballen me heshtje, ata thjesht vazhdojnë rrugën e tyre dhe i përkushtohen diçkaje tjetër.

Luani ka një ndjenjë krenarie që e frenon dorën e tij. Ata duan të bëjnë hapin e parë, të joshin dhe të shkëlqejnë, por mendimi se mund të duken tepër të disponueshëm i ndalon menjëherë. Zakonisht, ata e dërgojnë mesazhin e parë vetëm nëse ndiejnë se terreni është i sigurt ndoshta pasi kanë marrë një sinjal, një vështrim ose një premtim. Rreziku i të mbeturit “i padukshëm” për tjetrin peshon më shumë se frika e ekspozimit.

Shigjetari bën ftesa, jep sugjerime dhe ndan “links” ose shaka, shpesh pa e tepruar me mendime. Për ta, nisja e një bisede është një pasaportë për aventurë qoftë edhe vetëm në planin mendor. Ata mund ta nisin kontaktin, por priren t’i mbajnë mesazhet të lehta dhe pa angazhim të madh; nëse tjetri zhduket, ata ngushëllohen me mendimin se ishin thjesht fjalë në një ekran.

Ata që presin, ata që analizojnë dhe ata që zhduken
 
Demi dhe Bricjapi janë mjeshtrit e kujdesit. Demi ka frikë se mos jep më shumë sesa merr, ndaj shpesh qëndron në pritje, duke vëzhguar statusin “last seen” dhe duke pritur një shenjë.

Pas qetësisë së tyre të dukshme, Bricjapët e shohin atë mesazh të parë si një investim; ata preferojnë që tjetri të bëjë lëvizjen, në mënyrë që të mos zbulojnë menjëherë letrat e tyre apo të tregojnë se sa shumë të interesuar janë.

Virgjëreshat janë lloji i njerëzve që e rishkruajnë mendërisht një mesazh dhjetë herë para se të dërgojnë një “Përshëndetje” të thjeshtë. Ato analizojnë kohën e dërgimit, zgjedhjen e fjalëve, emojit dhe madje edhe shenjat e pikësimit të personit tjetër, duke kërkuar një mënyrë të sigurt për ta nisur bisedën.

Ato kërkojnë përsosmëri madje edhe në bisedat me mesazhe dhe nëse ndiejnë ndonjë paqartësi, zgjedhin heshtjen mbrojtëse; nuk dërgojnë mesazh të parat sepse nuk duan ta torturojnë veten më vonë duke u pyetur pse personi tjetër po vonon të përgjigjet.

 Binjakët dhe Peshorja tërhiqen nga dialogu, por në mënyra të ndryshme.

Binjakët e duan bisedën, por frika nga monotonia i pengon të përkushtohen në një bisedë të vetme; mund të dërgojnë në mënyrë impulsive një “Hej” dhe më pas të zhduken, të frikësuar nga qëndrueshmëria që kërkon ai hap fillestar.

 Peshoret kanë frikë se mos prishin ekuilibrin: dërgimi i mesazhit të parat do të thotë të dalësh nga një pozicion neutral dhe, për to, kjo përbën tashmë një zgjedhje emocionale.

Akrepat dhe Gaforret kanë frikë nga refuzimi, sikur të ishte një plagë e vogël në shpirt.

Akrepat preferojnë ta vlerësojnë situatën duke vëzhguar “story”-t dhe reagimet për të parë nëse ia vlen vërtet të ekspozohen; kur dërgojnë mesazh të parët, teksti është i mbushur me nënkuptime, gati për të kapur edhe nuancën më të vogël të përgjigjes.

Gaforret, nga ana tjetër, presin siguri emocionale — një gjest të qartë ngrohtësie; e mbajnë mesazhin në draft, duke e fshirë dhe rishkruar, derisa nevoja për vetëmbrojtje të mbizotërojë mbi dëshirën për afrimitet.

 Dhe mes shenjave të ajrit dhe ujit që janë më të ndrojtura, shpesh gjejmë Peshqit personin që dërgon një përshëndetje në mesnatë dhe më pas ndihet në siklet që e ka bërë këtë.

Peshqit kanë pak pengesa midis emocionit dhe veprimit: ata shkruajnë të shtyrë nga një intuitë, një ëndërr ose një valë e papritur nostalgjie. Mund të pendohen të nesërmen, por guximi i tyre qëndron pikërisht te ajo ndjeshmëri që nuk mund të presë gjithmonë momentin perfekt.