Elbasan, transportonte shtatë shtetas të huaj, arrestohet 31-vjeçari, shpallet në kërkim bashkëpunëtori

Aktualitet

Elbasan, transportonte shtatë shtetas të huaj, arrestohet
Një 31-vjeçar është arrestuar në Elbasan, pasi dyshohet se po transportonte kundrejt fitimit 7 shtetas të huaj nga vendet e treta, të cilët dyshohet se kishin hyrë në mënyrë të paligjshme në territorin shqiptar.

Policia bën me dije se operacioni i koduar “Rrjeta 2” u finalizua nga specialistët e Seksionit për Hetimin e Trafiqeve në DVP Elbasan, në aksin rrugor Elbasan-Peqin.

Gjatë operacionit, shërbimet e policisë kapën në flagrancë shtetasin A. A., 31 vjeç, i cili po transportonte 7 shtetasit e huaj me një automjet në pronësi të shtetasit M. K., 25 vjeç.

Në vijim të veprimeve procedurale, A. A. u arrestua, ndërsa M. K. u shpall në kërkim, pasi dyshohet se ka bashkëpunuar në këtë veprimtari.

Automjeti i përdorur për transportimin e shtetasve të huaj u sekuestrua në cilësinë e provës materiale.

Hetimet vijojnë për dokumentimin e plotë të rastit, identifikimin e personave të tjerë që mund të jenë të përfshirë dhe kapjen e 25-vjeçarit të shpallur në kërkim.

Materialet procedurale i janë referuar Prokurorisë për veprime të mëtejshme për veprën penale “Ndihma për kalim të paligjshëm të kufirit”, kryer në bashkëpunim.

NJOFTIM I POLICISE

DVP Elbasan/Finalizohet operacioni policor i koduar “Rrjeta 2”.
Goditet një tjetër rast i dhënies së ndihmës për kalim të paligjshëm të kufirit, kundrejt fitimit.

Transportonte me automjet 7 shtetas të huaj nga vendet e treta, vihet në pranga 31-vjeçari, ndërsa shpallet në kërkim bashkëpunëtori i tij.

Sekuestrohet automjeti i përdorur për transportimin e shtetasve të huaj.

Specialistët e Seksionit për Hetimin e Trafiqeve në DVP Elbasan, në kuadër të operacionit policor të koduar “Rrjeta 2”, në aksin rrugor Elbasan-Peqin, kapën shtetasin A. A., 31 vjeç, duke transportuar, me një automjet në pronësi të shtetasit M. K., 25 vjeç, 7 shtetas të huaj nga vendet e treta, të cilët dyshohet se kishin hyrë në mënyrë të paligjshme në territorin e Republikës së Shqipërisë.

Në vijim të veprimeve procedurale, u bë arrestimi në flagrancë i shtetasit A. A., ndërsa bashkëpunëtori i tij, shtetasi M. K., u shpall në kërkim.

Automjeti i përdorur për transportimin e shtetasve të huaj u sekuestrua në cilësinë e provës materiale.

Vijojnë hetimet për dokumentimin e plotë të kësaj veprimtarie kriminale, identifikimin e personave të tjerë që mund të jenë të përfshirë dhe kapjen e shtetasit M. K.

Materialet procedurale iu referuan Prokurorisë, për veprime të mëtejshme.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion