Zyrtari i OKB ngre alarmin: 100 milionë njerëz vuajnë varfërinë si pasojë e Covid-19

Të paktën 100 milionë njerëz vuajnë nga varfëria, si pasojë e Covid-19. Kështu u shpreh sekretari i Përgjithshëm i Kombeve të Bashkuara Antonio Guterres. Ky i fundit kritikoi pabarazinë e vaksinave, ndërsa bëri thirrje për ndërgjegjësim.

Sipas Guterres, të paktën 4 miliardë njerëz nuk kanë mbështetje sociale, as punë dhe kujdes shëndetësor, duke ngritur alarmin për situatën e krijuar nga pandemia.

Ai shton se e gjithë kjo ka krijuar terren për dhunë dhe konflikte. Ai rithekson se kombet e varfra vazhdojnë të kenë mungesën e vaksinave anti- Covid. Thirrja e tij drejtuar kombëve të pasura, ishte që në 2022 të vaksinohen 70% e njerëzve.