Vrasja e 20-vjeçares, policia greke thyen heshtjen: Arsyeja pse e morëm burrin me urgjencë

Drejtuesit e policisë greke në një konferencë të jashtëzakonshme për mediat kanë sqaruar arsyet se përse piloti 32-vjeçar Babis Anagnostopulos u mor me urgjencë me helikopter për t’u pyetur lidhur me hetimet për vrasjen e bashkëshortes së tij, britanikes 20-vjeçare Carolina, në sy të foshnjës.

Një nga drejtuesit e policisë greke u shpreh se 32-vjeçari ishte thirrur për të dëshmuar që dje, megjithatë, autoritetet respektuan kërkesën e tij që sot të ishte i pranishëm në shërbimin përkujtimor. Më pas ai shtoi se hetimet nuk mund të presin.

“Ne pritëm që shërbimi përkujtimor të mbaronte dhe pastaj 32-vjeçari u transferua me helikopter, kjo mund të kishte ndodhur edhe dje. Burri 32-vjeçar i viktimës u transportua në Athinë nga Alonissos, në mënyrë që të merret në pyetje si i vetmi dëshmitar okular” tha ai për mediat.