VIDEO që po bën xhiron e rrjetit! Çiklisti lakuriq rrugëve të Anglisë për bamirësi, motoristi i fut një grusht dhe…

Një video po bën xhiron e internetit orët e fundit, teksa tregon momentin kur një çiklist i zhveshur lakuriq goditet me grusht nga një motoçiklist që kalon dhe bie në tokë së bashku me biçikletën e tij.

Pamjet e publikuara nga Daily Mail tregojnë çiklistin e zhveshur që pedalin i pashqetësuar në ekzibicionizmin e tij nëpër rrugët e Colchester, një qytet në qarkun e Essex në Britani. Siç duket, çiklisti ka një flamur të gjelbër në shpinë, ndërsa mban edhe një kapelë po të gjelbër.

Papritmas, autori i krimit hyn në vendngjarje me motoçikletën e tij, i afrohet çiklistit dhe e godet me grusht, duke e hedhur me forcë në trotuar, si për të mos miratuar këtë shfaqje jo të moralshme.

Menjëherë pas goditjes, çiklisti mbetet i palëvizshëm në tokë, ndërsa dëgjohen zëra të tmerruar.

Autori i krimit, një punonjës bashkiak 46-vjeçar në departamentin e pastrimit të qytetit, thuhet se u zemërua pasi çiklisti ishte pjesë e një grupi të madh çiklistësh të zhveshur që merrnin pjesë në një xhiro me biçikletë për bamirësi.

Sipas dëshmitarëve okularë, 46-vjeçari fillimisht e ngiste motoçikletën e tij përgjatë të njëjtës rrugë me çiklistët dhe u shqetësua nga pamja e njerëzve të zhveshur, siç tha më vonë, kjo po ndodhte para kalimtarëve, përfshirë shumë fëmijë.

Menjëherë pas sulmit, policia lokale u njoftua dhe mbërriti në vendngjarje, me dy oficerë që morën deklarata dhe më pas u përpoqën të arrestonin autorin 46-vjeçar.

Megjithatë, ai fillimisht rezistoi, duke këmbëngulur se ajo që po bënte ishte gjëja e duhur për të bërë, por më vonë u informua se ishte një aktivitet bamirësie, për të cilin ai mohoi të kishte dijeni.

Sipas raportit, çiklisti nuk u plagos rëndë, por pësoi gërvishtje në këmbë dhe krahë. Në një gjyq të mëvonshëm, punonjësi 46-vjeçar u lirua nga akuza për sulmin ndaj çiklistit dhe oficerëve të policisë, por nuk i shpëtoi pezullimit dy-vjeçar të vendosur ndaj tij nga bashkia e Colchester.