Trump dhe Putin bisedë telefonike para takimit me Zelenskyn

Presidenti i SHBA-së, Donald Trump, tha se pati një "bisedë telefonike shumë pozitive dhe produktive" me Presidentin rus Vladimir Putin përpara takimit të presidentit të SHBA-së me Volodymyr Zelensky në Florida.

Në një postim në platformën Truth Social, Trump deklaroi:

"Sapo pata një bisedë telefonike produktive dhe të frytshme me Presidentin rus Putin, përpara takimit tim me Presidentin ukrainas Zelensky në orën 13:00 sot.

Takimi do të mbahet në sallën kryesore të ngrënies në Mar-a-Lago. Pjesëmarrja e medias është e mirëpritur.

Faleminderit për vëmendjen tuaj! President N.T."

Rusia kishte deklaruar më parë se do të refuzonte çdo ndryshim në planin e paqes të zhvilluar nga Shtetet e Bashkuara në vjeshtë, në të cilin Moska kishte dhënë kontribute të rëndësishme.