“Sjellje e papërshtatshme” dhe mungesë respekti, Sulltani i Bruneit i bën të papriturën nuses së djalit

Sulltani i Bruneit, Hassanal Bolkiah, ka vendosur t’i heqë të gjithë titujt mbretërorë nuses së djalit të tij, Pengiran Rabiatul Antawiyya, duke e përjashtuar edhe nga familja mbretërore.

Vendimi ndaj 33-vjeçares është marrë për shkak të asaj që pallati e ka cilësuar si “sjellje të papërshtatshme”, e cila dyshohet se ka “njollosur emrin e mirë të monarkisë” dhe ka treguar “mungesë respekti” ndaj sulltanit.

Pallati nuk ka bërë të ditur se çfarë veprimi konkret ka ndërmarrë Rabiatul Antawiyya që ka shkaktuar zemërimin e sulltanit. Megjithatë, Zyra e Kamerierit të Madh konfirmoi se ajo nuk konsiderohet më anëtare e familjes mbretërore dhe ka humbur të gjithë titujt e saj.

Pengiran Rabiatul Antawiyya iu bashkua familjes mbretërore në vitin 2015, kur u martua me Princin Abdul Malik, djalin e dytë të sulltanit nga martesa e tij e parë me Mbretëreshën Saleha.

Dasma e çiftit ishte një ceremoni madhështore që zgjati dhjetë ditë. Çifti ka katër vajza, ndërsa sipas raportimeve, titujt mbretërorë të fëmijëve nuk janë prekur nga vendimi i sulltanit.