Shkon në 765 numri i protestuesve të vrarë në Mianmar

Bota

Shkon në 765 numri i protestuesve të vrarë në Mianmar

Rëndohet situata në Mianmar, ku sipas raportit të fundit, ka shkuar në 765 numri i protestuesve të vrarë. Ndërkohë që raporti ditor publikuar nga Shoqata e Ndihmës për të Burgosurit Politikë (AAPP), tregon se në 24 orët e fundit janë konfirmuar edhe 6 të vdekur, në protestat në qytetet Hpakant, Wetlet, Mandalay dhe Hsipaë duke rritur në të paktën 765 numrin e viktimave.

Në raport thuhet se në vend nën arrest ndodhen 3.555 persona dhe se ka një urdhër arresti për 1.369 persona të tjerë. Ndërkohë Baë Kyaë Heh, lideri i Unionit Kombëtar Karen (KNU), një prej grupeve të armatosura etnike kundër grushtit të shtetit, duke theksuar se rezistenca që ka filluar në mbarë vendin pas grusht shtetit të 1 shkurtit është një mundësi e madhe për grupet etnike, tha se “Kjo mundësi duhet vlerësuar mirë dhe të luftojmë kundër diktaturës ushtarake”.

Ai u bëri thirrje grupeve tjera etnike për të vepruar së bashku për të shpëtuar nga administrata ushtarake.

Grusht shteti ushtarak në Mianmar

Ushtria e Mianmarit pas pretendimeve nga grupet e afërta politike pranë saj për mashtrime në zgjedhjet e 8 nëntorit 2020 dhe pas rritjes së tensioneve në vend, mori pushtetin më 1 shkurt.

Ushtria në vend shpalli gjendje të jashtëzakonshme për një vit, ndërsa më pas arrestoi shumë zyrtarë dhe drejtues të tjerë të partisë në pushtet, përfshirë edhe ministren e Jashtme, njëherësh lideren e vendit, Aung San Suu Kyi.

Në vend vazhdojnë protestat me pjesëmarrje të gjerë dhe gjykimet në gjykatat ushtarake për zyrtarët e nivelit të lartë nën arrest.//AA

ME TE LEXUARAT