Shefi i Agjencisë Europiane të Barnave pranon mpiksjet e gjakut nga "AstraZeneca"

Bota

Shefi i Agjencisë Europiane të Barnave pranon mpiksjet e gjakut nga

Nje drejtues i strategjisë së vaksinimit në Agjencinë Europiane të Barnave (EMA), i identifikuar si Marco Cavaleri, tha se ekziston një lidhje mes vaksinës anti-Covid të AstraZeneca me një mpiksje të rrallë të gjakut në tru.

Pavarësisht kësaj deklarate që bëri në një intervistë për gazetën italiane il Messaggero, Cavaleri nuk u shpreh nëse në këtë fazë EMA do të ndryshojë qëndrim dhe rekomandim për vaksinën AstraZeneca.

Shefi i Agjencisë Europiane të Barnave pranon mpiksjet e gjakut nga

“Ajo që mund të themi tani është se tashmë është e qartë që ka një lidhje me vaksinën. Çfarë e shkakton këtë komplikacion ne nuk e dimë ende”, u shpreh Cavaleri.

Agjencia Europiane e Barnave do të zhvillojë një tjetër mbledhje gjatë këtyre ditëve për të bërë provat e fundit në lidhje me mpiksjen e gjakut në tru që është shkaktuar tek disa pacientë të cilët kishin injektuar vaksinën e AstraZeneca.

Pas këtyre rasteve, disa vende në Europë kanë pezulluar përdorimin e AstraZeneca, disa të tjera kanë përjashtuar grupmosha të caktuara për injektimin e kësaj vaksine.

Holanda, Suedia, Islanda, Finlanda dhe Maqedonia e Veriut kanë përjashtuar të moshuarit për përdorimin e kësaj vaksine. Kurse Danimarka dhe Norvegjia e kanë pezulluar plotësisht vaksinën AstraZeneca.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion