Përsëritet historia, polici në Kaliforni i vë gjurin në fyt 26-vjeçarit derisa ndërron jetë

Një 26 vjecar hispanik, Mario Gonzales, është vrarë nga policia në Kaliforni. Ngjarja sjell në kujtesë atë të afro-amerikanit George Floyd dhe ka ndodhur në 19 prill. Por pamjet e kamerës së trupit të agjentit të policisë janë bërë publike vetëm orët e fundit.

Në këto pamje duket 26 vjecari në gjendje të dehur, i arrestuar dhe në pamundësi për të lëvizur, me fytyrë në tokë përreth pesë minuta.

Një agjent i vendos gjurin në kraharor duke e mbajtur me forcë pavarësisht lutjeve të tij për ta lënë të lirë. Përpjekjet për ta risjellë në jetë rezultuan të kota. Një zëdhënës i bashkisë së qytetit publikoi emrat e tre agjentëve të policisë të cilët u pezulluan menjëherë nga detyra.