Papa Leoni XIV kremton Pashkët e para: Mesazh i fuqishëm për paqe mes krizave në Lindjen e Mesme

Papa Leoni XIV po kremton Pashkët e para si udhëheqës i Kishës Katolike, duke udhëhequr Meshën e Pashkëve në Sheshin Shën Pjetrit në Vatikan, ku janë mbledhur mijëra besimtarë.

Ceremonia mbahet në një kohë të pasigurtie globale, teksa konflikti në Lindjen e Mesme hedh një hije mbi festën më të rëndësishme të të krishterëve.

Gjatë vigjiljes së Pashkëve, Papa bëri thirrje për paqe dhe unitet mes kombeve, duke paralajmëruar se padrejtësitë dhe izolimi i shoqërive vazhdojnë të ndajë njerëzimin.

Ai theksoi nevojën për përpjekje diplomatike më të fuqishme për të ndalur dhunën dhe për të mbrojtur komunitetet e prekura, sidomos ato në Jeruzalem dhe rajonin e Libanit, ku festimet janë të kufizuara për arsye sigurie.

Në Jeruzalem, shërbimet në Kishën e Varrit të Shenjtë po zhvillohen prapa dyerve të mbyllura, ndërsa në Liban fshatrat e krishtere pranë kufirit përballen me granatime dhe tensione të vazhdueshme.

Megjithatë, komunitetet lokale nënvizojnë se besimi mbetet burimi më i fortë i shpresës dhe qëndrueshmërisë së tyre.

Ky kremtim ka një rëndësi të veçantë këtë vit, duke kujtuar shfaqjen e fundit publike të Papa Françeskut gjatë Pashkëve të vitit të kaluar, dhe duke shërbyer si mesazh i ripërtëritjes dhe unitetit për miliona katolikë në mbarë botën.